Не сфаќам, потребни се посебни одредба, закони и казни за да го направиме она што е очигледно за да спасиме човечки животи?, се запраша министерот за здравство на Грција Василис Кикиљас порачувајќи им на граѓаните да ги почитуваат мерките на лична заштита, јави дописничката на МИА од Атина.
-Три едноставни работи: носиме маски, миеме раце и одржуваме растојание во надворешни и внатрешни простори. Кога во надворешни простори не можеме да одржуваме растојание, и таму носиме маски. Не сфаќам, потребни се посебна одредба, закони и казни за да го направиме она што е очигледно за да спасиме човечки животи?, рече Кикиљас пред почетокот на расправата во грчкиот Парламент за нацрт закон од Министерството за здравство, додавајќи дека станува збор за индивидуален напор во справувањето со пандемијата.