КФОР: Белград беше информиран за полициската акцијата во Косово, немаше изненадувања

Од:

Портпаролот на Меѓународните сили во Косово (КФОР), полковник Виченцо Грасо денеска изјави дека властите на Србија предвреме биле информирани за вчерашната полициска акција во северно Косово и дека „немало изненадување“.

– Ситуацијата вчера беше под контрола и постојано ја следевме. Имавме добра размена на информации и бевме во контакт со косовските институции, дури и со српските власти и сите беа однапред информирани за она што се случува, така што немаше изненадувања и не е изненадување она што се случи, изјави Грасо за ТВ Прва.

Како што јави дописникот на МИА од Белград, тој додаде дека КФОР ги следел операциите низ цело Косово, а вчерашната полициска операција, како што нагласи, била со цел спроведување на владеењето на правото и дека не била поврзана со мандатот на КФОР.

Грасо оцени дека „во овој момент мирот во Косово е најзагрозен од реториката и пропагандата, понекогаш и од лажните изјави“.

– За 20 месеци, колку што сум во Косово, немаше големи инциденти. Најголема закана за мирот и стабилноста во Косово и во регионот е предизвикана од реториката што ја користат некои лидери, злоупотребувајќи одредени медиуми, истакна Грасо.

Како што јавуваат српските медиуми, состојбата во северно Косово засега е мирна, а во северна Митровица попладнево ќе се одржи протест на косовските Срби во организација на партијата Српската листа, која е блиска до властите во Белград.

Би можело да ве интересира

Медведев: Не запад или исток, туку прагматична соработка

Ана Ололовска

Медведев од Белград: Ќе дадеме секаква помош да се зачува суверенитетот, сакаме мирно решение за Косово

Ана Ололовска

Медведев: Балканот и понатаму останува турбулентен регион

Ана Ололовска

Медведев ја најави посетата на Србија на Твитер

Ана Ололовска

Рама: Ќе се сретнам со Курти, има потреба од нов поттик во односите меѓу Албанија и Косово

Ана Ололовска

Победниците на косовските избори го усогласија договорот за заедничка Влада