Катругалос: Се планира средба Заев-Ципрас на маргините на Минхенската безбедносна конференција

Од:

Алтернативниот шеф на грчката дипломатија, Јоргос Катругалос во интервјуто за „Гласот на Грција” и Првата програма на грчкото државно радио ги потврди информациите дека се планира, македонскиот и грчкиот премиер да одржат билатерална средба на маргините на Минхенската безбедносна конференција од 15 до 17 февруари, а воедно не ја исклучи можноста Зоран Заев да ја посети грчката престолнина, јави дописничката на МИА од Атина.

„Се чини дека се планира таква средба“, кусо вели Каругалос во однос на билатералната средба во Минхен.

Алтернативниот МНР на Грција, на прашањето дали е планирана посета на Заев на Атина, вели дека “оттука па натаму ќе се разговараат различни размени на сите нивоа, за да се промовира билатералната соработка”.

„Се планираат размени на сите нивоа, да им помогнеме со европските обврски и во главно да ги развиеме билатераните економски односи“, објаснува Катругалос.

Прашан директно дали ја остава отворена можноста за посета на македонскиот премиер на Атина одговара позитивно. На почетокот на месецов, како што објави МИА, “Дојче Веле” на грчки јазик пишуваше дека наградата „Ewald von Kleist“ на Минхенската безбедносна конференција, оваа година, ќе им биде доделена на Зоран Заев и Алексис Ципрас за Договорот од Преспа.

Претседателот на конференцијата, Волфганг Ишингер на неговиот официјален Твитер профил на 25 јануари, кусо откако Преспанскиот договор беше ратификуван од грчкиот Парламент, напиша дека „двајцата премиери ќе бидат поканети на 16 февруари во Минхен да ја примат престижната награда“ за време на 55-та конференција.
За можноста за посета на грчкиот премиер на Скопје или на македонскиот премиер на Атина, Јоргос Катругалос одговори на прашањето на дописничката на МИА од Атина, на минатонеделниот брифинг во Здружението на странски дописници и рече дека “двајцата лидери Алексис Ципрас и Зоран Заев ќе треба да се сретнат некаде, дали тука, дали таму, дали на некое трето место, бидејќи започнува нова ера”.

Би можело да ве интересира

Заев: Наградата е обврска за сите наши идни одлуки да бидат посветени на европските вредности

Катерина Ѓуровски

Заев и Ципрас ја примија мировната награда на Вестфалија

Катерина Ѓуровски

Катругалос: Договорот од Преспа ја зајакнува безбедноста и стабилноста во ЈИЕ

Катругалос и Мелескану организираат појадок на пријателите на Северна Македонија во Брисел

Средба Димитров–Катругалос во Делфи

Катругалос: Ратификуван договор е правна реалност што треба да се почитува во интерес на земјата