Катругалос: Членството на соседната земја во НАТО беше националната позиција по Букурешт

Од:

Алтернативниот министер за надворешни работи на Грција, Јоргос Катругалос за време на расправата за ратификација на Протоколот за членство во НАТО на Комисијата за национална одбрана и надворешни работи рече дека „членството на соседната земја во НАТО беше националната позиција по Букурешт, прво решение, а потоа членство, а сега имаме изгласан договор од Парламентот“, јави дописничката на МИА од Атина.

dobivaj vesti na viber

Катругалос одговори на аргументите од опозициските партии и како пример ги спомена членствата на Албанија и Бугарија во НАТО.

„Албанија влезе во НАТО на 1 април 2009, а преговорите тогаш ги презеде Нова демократија. Бугарија, директниот сосед заедно со шест други земји при големото проширување во 2004 големиот дел од преговорите тогаш ги презеде ПАСОК. Што побаравте вие тогаш?“, ги праша Катругалос опозициските партии.

Тој додаде дека основната разлика со претходните влади е тоа што актуелната грчка Влада „не се плаши и сака да ги промени работите кон подобро“.

„Ние преговаравме токму поради што сметаме дека по ратификувањето на Договорот од Преспа, она што го нарекуваме водечка улога во поширокиот регион, ќе биде засновано токму на градењето пријателски односи,“ истакна Катругалос.

Говорејќи за обврските од македонска страна, алтернативниот шеф на грчката дипломатија рече дека „соседната земја, свесна дека договорот е чесен компромис, презеде многу потешки обврски на психолошко и симболично ниво, отколку обврските на Грција“. Тој додаде дека откако ќе стапи на сила Договорот од Преспа, соседите ќе бидат обврзани да ги почитуваат и духот и содржината.

Би можело да ве интересира

Финска и Шведска во вторник ќе го потпишат протоколот за влез во НАТО

Пендаровски на третата сесија на состанокот на Северноатлантскиот совет

Катерина Павлова-Николовска

Двојно повеќе Бугари го претпочитаат НАТО отколку сојуз со Русија

Приклучувањето кон НАТО не е опција за Австрија

Путин: Русија ќе одговори со иста мерка ако НАТО распореди војска во Финска и во Шведска

Катерина Павлова-Николовска

Далекусежни одллуки на НАТО на самитот

А1он