Кабинетот на Катругалос: Нова демократија ја извртува реалноста за Договорот од Преспа

Од:

Обвинувања до опозициската Нова демократија дека ја извртува реалноста во однос на Договорот од Преспа, упатуваат од кабинетот на шефот на грчката дипломатија, Јоргос Катругалос во врска со тврдењата на портпаролката на најголемата грчка партија дека Кина одбила барање од грчка компанија за употреба на терминот „македонско“, со образложение дека е потребна дозвола за употреба од соседната земја, јави дописничката на МИА од Атина.

-Неповрзано со договорот и најмалку од 2010 па наваму, врз основа на членот 10 од постоечкиот кинески закон за трговските ознаки, се отфрлаат апликации за регистрација на трговска ознака, независно од земјата на интерес на компанијата, кога ги содржи термините „Macedonia“,„Macedoine“ и изведените зборови. Грција веќе достави соодветен демарш до Министерството за надворешни работи и до Министерството за трговија на Кина за ревизија на соодветната одлука на кинеската Канцеларија за трговски ознаки во однос на новите одредби од договорот, пишува во соопштението од кабинетот на Катругалос.

Како што вчера објави МИА, портпаролката на Нова демократија тврдеше дека Кина на 23 февруари, одбила барање од грчка компанија за употреба на терминот „македонско“, со образложение дека не може да се користи без дозвола од соседната земја.

Би можело да ве интересира

Жители од северна Грција не дозволија бегалци и мигранти да бидат сместени во нивното село

Пронајдено мртво исчезнатото дете по судирот на чамец со мигранти и брод на грчката крајбрежна служба

Коѕијас: Владата го поткопува Договорот од Преспа

Мицотакис: Грција го поддржува европскиот пат на земјите од Западен Балкан

Исчезнати две лица по судир на чамец со мигранти и брод на грчката крајбрежна служба

На аеродромот во Атина уапсен странски државјанин со проголтани 34 пакувања течен кокаин

Татјана Ташкова