Хрватскиот претседател Иво Јосиповиќ изјави дека тезата дека настапил леден период во односите на Хрватска и Србија, не е точна и дека произлегува од заладената реторика со оглед на одредени изјави од Србија.
Според него државите соработуваат за решавање на одредени прашања.
-Далеку сме од тоа сите прашања да бидат решени, но официјалните лица од двете страни имаа средби на мултилатерално ниво како и меѓусебни посети, има соработка и кога се во прашање криминалот и воените злосторници, се отвораат компании и од едната и другата страна, спортски клубови и така натаму – изјави тој.
Јосиповиќ оцени дека повод за тезата за ледениот период е што нема официјални средби помеѓу него и претседателот на Србија Томислав Николиќ.
-Ќе се сретнеме тогаш кога ќе можеме своите граѓани да ги увериме дека носиме некој добар ветер, а за тоа време ќе се водат разговори. Ние немаме никакви спорови и не ни се потребни посредници. Не потребно да имаме средби на неутрален терен – нагласи хрватскиот претседател.
Елена Георгиевска