Јанша ја повика ЕК да ја утврди вистинската состојба во Словенија

Од:

Словенечкиот премиер Јанез Јанша ја повика Европската комисија да испрати работна група во неговата земја за да ја утврди вистинската состојба во областа на демократијата и владеењето на правото, независноста на судството, слободата и медиумскиот плурализам и да се увери дека обвинувањата против неговата Влада се „апсурдни“.

Тој во писмото до претседателката на ЕК Урсула фон дер Лајен напиша дека групата на тој начин ќе има увид во состојбата на демократијата, владеењето на правото и медиумскиот плурализам, нагласувајќи дека Словенија има проблеми со оние делови од демократијата што се поврзани со недовршената транзиција во Словенија.

„Како што е познато, ЕУ се соочува со многу предизвици. И покрај пандемијата, Словенија одговорно се подготвува да го преземе претседателството со Советот на ЕУ“, напиша Јанша.

Тој одлучи да напише писмо откако постапките на неговата Влада беа критикувани од повеќе меѓународни организации, но и откако вербално се судри со новинарка на „Политико“ која пишуваше за позицијата на новинарите во Словенија.

Во писмото, Јанша наведува дека слична ситуација се случила и пред 2008 година, кога Словенија првпат го водеше претседателството со Советот на ЕУ и кога 571 словенечки новинари и уредници и пишаа на ЕУ, наведувајќи дека претседателството на Словенија претставува закана за Унијата.

Би можело да ве интересира

Во Словенија снемува кревети на одделенијата за интензивна нега

Жарко Настоски

Опозицијата поднесе барање за отповикување на словенечкиот премиер Јанша

Жарко Настоски

ВИДЕО: Човек се обиде да влезе во зградата на словенечкиот парламент со моторна пила

Ана Ололовска

Јанша свесно крева прашина за да не одговара за нарушувањето на медиумските слободи во Словенија, пишува „Зидојче цајтунг“

Жарко Настоски

Словенија ги заострува ограничувањата на своите граници пред воведувањето на 11-дневно целосно затворање

Ана Ололовска

ВОЗНЕМИРУВАЧКО ВИДЕО: Ужасен пад на Планица, норвешкиот ски-скокач Даниел-Андре Танде е во кома

Жарко Настоски