Косовската претседателка Атифете Јахјага, поканета е да учествува на Самитот на шефови на држави од централна и југоисточна Европа што ќе се одржи во Словачка.
Според Гарентина Краја, советничка на Јахјага, поканата од словачкиот претседател Иван Гаспарович пристигнала во Приштина.
– Преседателката Јахјага ќе учествува на Самитот и ќе има рамнопраен третман со другите нејзини колеги. Ќе зборува за решавање на предизвиците со кои се соочува овој дел на Европа, изјавила Краја за Ораинфо.
Од кабинетот на Јахјага оценуваат дека поканата добиена од Словачка, која се уште ја нема признато независноста на Косово, зборува за прифаќање на реалноста дека Косово како, независна и суверена држава, постои.
На Самитот, кој ќе се одржи на 12 и 13 јуни, освен претседателите на 21 држава на земјите од централна и југоисточна Европа, ќе учествуваат и лидери на други држави и меѓународни организации.