Изетбеговиќ: Односите во БиХ се толку лоши, што сега не е возможна изборна реформа

Од:

Претседателот на Партијата за демократска акција (СДА) Бакир Изетбеговиќ потврди дека очекува наскоро уште еден посреднички обид на Европската унија за промена на изборниот закон во БиХ, но рече дека во сегашните околности тоа нема да даде резултати.

dobivaj vesti na viber

Хрватскиот претседател Зоран Милановиќ вчера истакна дека претседателката на Европската комисија, Урсула фон дер Лајен треба да ја посети БиХ во наредните денови за да постигне договор за измените на изборниот закон, што хрватските политички партии во земјата го сметаат за дискриминаторски.

Во телевизиско интервју Изетбеговиќ потврди дека го очекува доаѓањето на еден од „високите функционери на ЕУ“ кој ќе се обиде уште еднаш да „проба нешто“, но смета дека тоа нема да биде Фон дер Лајен.

– Тоа го сакаа и Американците, па се откажаа. Тие гледаат дека тоа не е реално, но мислам дека под влијание на господинот (Андреј) Пленковиќ, кој има добри врски и пријатели во ЕУ, ќе дојде некој од високорангираните и повторно да разговараме. Се разбира, залудно. Атмосферата е нарушена, изјави Изетбеговиќ, обвинувајќи го претседателот на ХДЗ БиХ, Драган Човиќ за ситуацијата во која односите во БиХ се темелно нарушени.

Тој уште еднаш го обвини дека соработувал со српскиот член на Претседателството на БиХ, Милорад Додик, за кого вели дека не престанува да се заканува со расцепување на БиХ, поради неуставни работи и навреди.

– Да се замине во Бања Лука, да се каже чувајте ја Република Српска, да одите против законот (за забрана за негирање на воените злосторства) наметнат од (Валентин) Инцко, тоа претставува додавање сол на рана. Тоа не требаше да го направи и ќе треба време за да ја подобриме атмосфера во која ќе може да се изгласа еден изборен закон и неговите измени, му порача Изетбеговиќ на Човиќ.

Тој објасни дека преговорите за изборните реформи пропаднале бидејќи хрватската страна не се согласила да ја намали улогата на парламентарните домови на народот, кои, според СДА, требале само да ги штитат виталните национални интереси, а не да бидат уште едно законодавно тело, особено во Федерацијата БиХ.

Општите избори во БиХ со одлука на Централната изборна комисија се закажани за 2 октомври.

Извор: МИА

Би можело да ве интересира

Милановиќ: Да ѝ се даде кандидатски статус на Босна и Херцеговина, како чин на доверба и на надеж

ВИДЕО: Големи поплави во Босна, стотици куќи под вода

Катерина Павлова-Николовска

ВИДЕО: Голем пожар зафати фабрика во Бихаќ

Катерина Павлова-Николовска

Шарл Мишел во Сараево на средби со членовите на Претседателството на Босна и Херцеговина

Пахор предлага ЕУ да и додели кандидатски статус на БиХ веднаш и без услови

Нов земјотрес во БиХ со јачина од 3,9 степени

Катерина Павлова-Николовска