Истражување на јавното мислење во Грција: Владата добива позитивна оценка од граѓаните

Од:

Позитивно или веројатно позитивно ги оценуваат првите активности на грчката влада 71,4 отсто од анкетираните Грци во истражувањето спроведено од агенцијата Marc за весникот „Прото тема“, независно од тоа за кого гласале на изборите. Анкетата покажа и дека 79,4 отсто веруваат дека премиерот Кирјакос Мицотакис ќе ги спроведе сите/ повќето/некои од предизборните ветувања, jави дописничката на МИА од Атина.

-Забележително е што владата со нејзините први чекори добива позитивно мислење и од гласачите на другите партии. Поконкретно, 41,4 отсто од оние кои гласале за СИРИЗА, 85,3 проценти од оние кои биле за Движење на промена, 42,1 отсто од поддржувачите на Комунистичката партија, 84,4 проценти од гласачите на Грчко решение и 42,9 отсто од МЕРА25 ги поздравува активностите на владата, пишува „Прото тема“ во анализата на резултатите.

Истражувањето на јавното мислење кое завршило непосредно пред обраќањето на грчкиот премиер на Меѓународниот саем во Солун, покажува позитивна слика на Грците за новата влада, со 55,1 процент од испитаниците да го одбира Мицотакис за посоодветен за премиер, наспроти Алексис Ципрас кој добива 30,5 отсто.

Според резултатите, 48,8 отсто сметаат дека работите во земјата во следните месеци ќе одат кон подобро, а 47,8 отсто од анкетираните рекле дека владата започнала онака како што и очекувале пред изборите, а 42,1 процент одговориле дека ги надминала нивните очекувања.

На прашањето „ако следната недела се одржат избори, за која партија е веројатно дека би гласале?“, 41,8 отсто од анкетираните ја одбира Нова демократија, 25,7 СИРИЗА, 6,7 отсто Движење на промена, 5,3 проценти Комунистичката партија, а по 3 отсто добиваат Грчко решение и МЕРА25.

Би можело да ве интересира

Оштета за заглавените возачи на автопатот во Атина

А1он

ВИДЕО: Снегот го парализираше поширокиот регион на Атина, денеска неработен ден

Ана Ололовска

Мешовитиот економски комитет Грција -Турција одржа состанок по пауза од 11 години

А1он

Затворени училиштата во Атина и повеќе делови на Грција поради невремето „Елпида“

Невремето „Елпида“ носи снег во Грција и затвора училишта, надлежниот министер апелира да се избегнуваат непотребни движења

Ана Ололовска

Во Грција откриени два случаи на „скриената“ подваријанта на Омикрон

А1он