Исчезнати две лица по судир на чамец со мигранти и брод на грчката крајбрежна служба

Од:

Во тек е акција за пронаоѓање и спасување на две лица, меѓу кои едно дете, откако утрово се судри чамец што пренесувал бегалци и мигранти со патролен брод на грчката крајбрежна служба во морскиот дел, источно од островот Кос.

Во чамецот што од турското крајбрежје се упатил кон Грција, имало 34 лица, а од грчката крајбрежна служба соопштуваат дека од спасените, седум лица биле пренесени во болницата на Коса, меѓу кои има и една бремена жена. Двајца се повредени, а останатите петмина превентивно биле префрлени во болница.

Со три бродови на крајбрежната служба, два од Фронтекс, еден хеликоптер супер пума, приватни чамци, како и припадници на специјалната нуркачка единица продолжува спасувачката акција за пронаоѓање на маж и дете од Сирија.

Според првичните информации од грчката крајбрежна служба, чамецот со бегалци и мигранти немал никаква сигнализација, а ниту едно од лицата што се превезувале не носло елек за спасување. За време на судирот, бродот на крајбрежната служба бил на редовна патрола во морскиот дел.

Би можело да ве интересира

Во Грција регистриран 41 нов случај на Ковид-19, од кои 26 кај туристи

А1он

Голем шумски пожар на грчкиот остров Евија

Ана Ололовска

Жителите на Евија ги избркаа српските туристи

Ана Ололовска

Мицотакис: Грција најкатегорично ја осудува одлуката на Турција да ја претвори Света Софија во џамија

Ана Ололовска

Локалните власти во северна Грција загрижени дека Ковид-19 ќе се прошири кај нив од Македонија

А1он

Негативни тестовите на српските туристи на грчкиот остров Евија

Ана Ололовска