Иринеј: Вселенскиот патријарх не треба да носи еднострана одлука за МПЦ

Од:

Бачкиот епископ на СПЦ Иринеј изјави дека би било грешка ако вселенскиот патријарх донесе еднострана одлука за афтокефалност на „канонски непризнаените цркви во Македонија и Украина, бидејќи на тоа би му се спротивставил целиот православен свет“.

– Цариградскиот патријарх е прв меѓу еднаквите, а не прв без еднаквите. Затоа и, не дај Боже, да постои намера на сесветиот патријарх Вартоломеј за некаква еднострана и произволна пресуда во случајот на скопскиот и украинскиот раскол, тоа ќе биде израз на голема заблуда, голема духовна грешка и од аспект на поредокот на православната црква и канонските закони, целосно ништавно, изјави владиката Иринеј за „Политика “.

Тој истакна дека говори целосно хипотетички, бидејќи длабоко верува дека до тоа нема да дојде.

– Доколку до тоа дојде, под политички или други притисоци и поттикнувања, тоа би предизвикало решавачко несогласување и спротивставување, не само во словенскиот православен свет, туку и пошироко во православието, рече Иринеј.

„Политика” потсетува дека патријархот Вартоломеј неодамна ги повика сестринските цркви да ја прифатат „црквата во Скопје” во православно единство и дека истакнал оти „апостолска должност на црквата е да бара начини за спасение на нашите браќа во Скопје и Украина”.

Според „Политика“ на ова реагирал протоерејот Всеволд Чаплин, од Руската православна црква, кој оценил дека со давањето на автономија на украинската и на „македонската црква против волјата на нивните мајки цркви, руската и српската, може да дојде до раскол во православниот свет.

Би можело да ве интересира

Пукање во Белград, повреденото момче не и кажува на полицијата кој го нападнал

Вработена во српското МВР издавала фалсификувани пасоши

Земјотрес во Крагуевац: „Добро се стресе“

ВИДЕО: 25 години од НАТО нападот на Србија

Катерина Ѓуровски

На млад фудбалер му била одземена платата бидејќи ставил „лајк“ на дуелот меѓу Русија и Србија во Москва

ВИДЕО: Зад прекинот на дуелот меѓу Србија и Русија стои човек кој мислеше дека ќе се збогати