Интерконтинентално бебе се роди под Босфор, во тунелот „Евроазија“

Од:

Двојка влегла во тунелот „Евроазија“ во Истанбул, кој ги поврзува двете страни на градот, го пречекала своето бебе под Босфор. Од тунелот излегле како тричлено семејство, јави „Сабах“.

Реткиот настан се случил кога породилните болки на учителката Седа Гиреј започнале многу рано наутро. Таа и нејзиниот сопруг Дениз првично решиле да почекаат до времето за посета на болницата, но сепак го напуштиле својот дом во населбата Картал, кој се наоѓа на азиската страна на градот, околу 08:00 часот, во утринскиот шпиц, кога породилните болки почнале да се зголемуваат. Тие се „бореле“ со озлогласениот сообраќај во Истанбул за да стигнат до приватна болница во европскиот кварт Бахчелиевлер.

Парот побарал помош, полицајците го расчистиле сообраќајот и им помогнале да ја користат лентата за итни случаи. Меѓутоа, кога Гиреј минувала низ тунелот Евроазија, нејзините породилни болки се интензивирале и таа набрзо родила машко дете.

– Кога сфатив дека ќе се породам, седнав на предното седиште во автомобилот и видов дека бебето е на пат. Си реков, па многу жени раѓале на овој начин. Се разбира, имав болки и можеби врескав малку погласно. Морав да направам што е потребно кога ќе се случи породувањето, бидејќи беше опасно да се обидам да го задржам бебето во матката. За среќа, моето момче се роди многу спокојно, изјави 37-годишната мајка.

Би можело да ве интересира

Трагедија во Рим, новороденче се задуши под неговата мајка

Горан Наумовски

Двајца загинати во пожар во станбен објект на Ерменската католичка црква во Истанбул

А1он

Тело на бебе пронајдено во замрзнувач

Горан Наумовски

Градоначалничката Арсовска го посети Ване, првороденото дете во Скопје

Златник за првото родено бебе во 2023 година

Горан Наумовски

Првото бебе кое се роди во 2023 година е машко