ИНСТАТ: Популацијата во Албанија забрзано старее

Од:

Во второто тромесечје од годинава во Албанија забележано е нагло намалување на наталитетот во земјава.

dobivaj vesti na viber

Според државниот завод за статистика, ИНСТАТ, од април до јуни во целата земја се регистрирани само 5384 новороденчиња, што е за 14 отсто помалку од истиот период лани, но со речиси исто намалување во однос на првото тромесечје.

Гледано одделно по 12-те окрузи единствено во округот Пешкопеја (Дибра) произлегува дека има 12 бебиња повеќе споредено со првиот квартал од годинава, но сепак помалку од споредбениот период минатата година.

Во главниот град во вторите три месеци се родиле 1.940 бебиња, а лани во истиот период 2.141 бебе.

Од друга страна по падот на влијанието на корона вирусот има помалку смртни случаи, така што за три месеци починале 4.916 лица, што бележи намалување од 19,4 отсто споредено со второто тромесечје лани.

Иако според анализата на ИНСТАТ, природниот прираст за овој период е позитивен, со 468 родени повеќе од умрени, овде не се пресметува колку луѓе заминале од Албанија во Европската унија и другите земји.

Во мај, ИНСТАТ објави дека просечната возраст во Албанија изнесува 38,2 години, наспроти 35 години пред пет години, што уште еднаш го покажува брзото стареење на населението.

Извор: МИА

Би можело да ве интересира

Рама: Прекинот на односите со Иран не е голема загуба за Албанија

А1он

Трговец со луѓе од Валона заработувал милион евра неделно: Разоткриена мрежа на албански шверцери

А1он

Мета: Одлуката за прогласување на Бериша „нон грата“ е дело на Баша и Рама

Ана Ололовска

Рама: Ништо не го менува ставот на Албанија дека Србија треба да го признае Косово

Ана Ололовска

Во Албанија инфлацијата во август изнесувала осум проценти

Ана Ололовска

Албанија почна со затворање на средните училишта поврзани со Фетулах Ѓулен

Ана Ололовска