Ситуацијата на грчкиот остров Лерос е тензична по неколку инциденти меѓу бегалци и група локални жители, јавија атинските медиуми.
Инцидентите се случиле откако 200 бегалци започнале протести во централното населено место на островот, изразувајќи стравување за своите животи, бидејќи во прифатниот центар каде престојуваат, имало „опасни елементи од кои се плашеле“. Нивното барање да бидат префрлени на друго место не било исполнето.
Судири меѓу бегалците и локалното население од поголем интензитет биле спречени по интервенција на полицијата.
Претставници на невладини организации и на Високиот комесаријат за бегалци на ОН (УНХЦР) изразија незадоволство од ситуацијата на островот во последните денови.