Илјадници невакцинирани здравствени работници во Грција испратени на принуден одмор

Од:

Нешто помалку од 6.000 невакцинирани здравствени работници во Грција веќе добија решенија за принуден, неплатен одмор, а Федерацијата на вработени во државните болници, денеска ќе одржи нов петчасовен прекин со работата и протест против задолжителната вакцинација.

Од Федерација уште еднаш потенцираат дека не се против вакцината и повторно упатуваат повик сите здравствени работници да се имунизираат, но паралелно додаваат дека „нема да дозволат нивните колеги да ги загубат работните места“ и нема да дозволат целосна неорганизираност на здравствениот систем, „поради мерката наметната без причина“.

Протести, исто како и минатиот четврток, закажаа во Солун и во Атина.

Грчката новинска агенција АНА-МПА, повикувајќи се на извори од Министерството за здравство на Грција синоќа објави дека биле издадени 5.895 решенија за принуден, неплатен одмор за невакцинираните здравствени работници.

Мерката, што грчката Влада ја соопшти во јули, вчера стапи во сила, а на принуден, неплатен одмор заминуваат оние кои не примиле најмалку една доза од вакцината или немаат потврда за прележан Ковид-19.

Би можело да ве интересира

Намален бројот на починати и заразени со Ковид-19 во Грција

Намален бројот на починати и заразени со Ковид-19 во Грција

Над 130.000 заразени и 241 починат од Ковид-19 за една седмица во Грција

Зголемен бројот на случаи на Ковид-19 во туристичките делови на Грција

Грција ги укинува речиси сите рестриктивни мерки за Ковид-19

Продолжено времетраењето на сертификатите во внатрешноста на Грција