Илир Мета и Талат Џафери одблизу следеа спасувачка акција во Драч

Од:

Албанскиот претседател Илир Мета заедно со претседателот на Собранието на Северна Македонија, Талат Џафери, внимателно следеа акција за пребарување и спасување што се спроведува во една од зградите оштетени од земјотресот во Драч.

Заедно со нив беше и вице премиерот Бујар Османи, лидерот на ДУИ Али Ахмети и пратеници.

Претседателот Мета се сретна и со специјализираните сили за итни случаи кои од Северна Македонија дојдоа за да придонесат за надминување на последиците од оваа природна непогода, кои се стационирани во Гимназијата „Наим Фрашери“.

Тој искажа огромна благодарност за нивната ангажраност, професоналност и пожртвуваност во акциите за пронаоѓање и спасување, додавајќи дека нивниот придонес никогаш нема да го заборават.

– Ова е важен момент на демонстрација на солидарност меѓу нашите две држави и потврда за соработката на полето на граѓанските вонредни состојби. Би сакал да ја изразам мојата срдечна благодарност до претседателот Пендаровски, премиерот Заев и сите претставници на политиката на Северна Македонија, кои се со нас од почеток и продолжуваат да бидат со нас во справувањето со оваа голема катастрофа и овие тешки последици, како што сте виделе и знаете подобро од кој било друг, рекол Мета.

Лидерот на ДУИ, Ахмети искажал благодарност до припадниците на македоската спасувачка екипа и искажал надеж дека нема да има повеќе вакви трагедии, додајќи дека „ова се непредвидливи случувања и мора да бидеме подготвени“.

Во меѓувреме македонските, заедно со турските, српските и шпанските спасувачи го пронашле безживотното тело на 54 годишен маж од под урнатините на хотелот „Мирамар“ во Драч, каде што работел, што е 47 жртва од земјотресот.

Би можело да ве интересира

Гренел: Приштина да ги укине таксите, а Белград да прекине со кампањата за повлекување на признавањето на Косово

Ана Ололовска

Вучиќ: Ја ценам енергијата на Гренел, но забрзувањето на разговорот со Приштина не оди лесно

Ана Ололовска

Карпентер: Нема црвени линии за решавање на косовското прашање, ништо не се исклучува

Ана Ололовска

Гренел до Тачи: Прогресот во односите со Србија подразбира укинување на таксата

Ана Ололовска

Гренел: Не сум во Косово за политичка дебата, туку за економски развој на регионот

Ана Ололовска

Косово: Затвор за членовите на групата „Окото на народот“, за атентаторот на Власи 10 години психијатриски надзор

Ана Ололовска