Хрватските медиуми ќе ги исклучат коментарите под текстовите на интернет како протест против говорот на омраза

Од:

Хрватските здруженија на новинари ги повикаа медиумите овој петок, 23 октомври, на два часа да оневозможат објавување коментари под нивните текстови на Интернет, што би бил почеток на заедничката борба против говорот на омраза.

„Целта на акцијата е да се предупреди на условите во кои работат новинарите со години и на говорот на омраза на кој се изложени“, предупредуваат во денешното соопштение од Хрватското здружение на новинари (ХНД) и Синдикатот на новинари од Хрватска, со оценка дека „нештата излегле од контрола“.

„Говорот на омраза, кој досега претежно остануваше во сферата на социјалните мрежи, се прелеа во реалниот свет. Проблемот со говорот на омраза, но и односот кон медиумите и новинарите, е голем и нема да се реши преку ноќ”, се вели во заедничкото соопштение.

Нагласено е дека новинарството не е работа во која се споделуваат комплименти и дека секој може да добие забелешки за некоја приказна.

„Тоа е реалноста на нашата работа, навикнати сме и не правиме проблем за тоа. Проблемот е омразата и заканите кои стануваат појасни и погрди, особено во последно време, се прелеваат на улиците и мора да се загрижиме, па и за безбедноста на нашите колеги и колегите на терен“, потенцираат од здруженијата.

Во соопштението се вели дека дел од причината лежи во постапките на одделни новинари, уредувачката политика и недостигот на солидарност и колегијалност меѓу новинарите.

„Заедно можеме да ги промениме работите“, сметаат здруженијата и им сугерираат на медиумите да спречат објавување коментари под текстовите на порталите и социјалните мрежи во петок од 11 до 13 часот, со образложение дека забраната е предупредување за говор на омраза.

Би можело да ве интересира

Јурова бара деблокирање на средствата за словенечката новинска агенција СТА

А1он

Осум жени се убиени во Хрватска за осум месеци оваа година

А1он

Досега повеќе од 650.000 луѓе во Хрватска сами се попишале преку интернет

А1он

Европратеници пристигнуваат во Бугарија поради слободата на медиумите и корупцијата

А1он

Секое десетто дете по земјотресот во Загреб покажува симптоми на анксиозност и депресија

Ана Ололовска

Словенија ќе ја прошири оградата за заштита од мигранти кон Хрватска

Ана Ололовска