Хрватски европарламентарци ќе се избираат на 14 април

Од:

Изборите за хрватски пратеници во Европскиот парламент (ЕП) ќе се одржат на 14 април, објави денеска хрватскиот претседател Иво Јосиповиќ, нагласувајќи дека ваквата одлука е донесена по консултации со Владата, парламентарните партии и невладини здруженија.

Тој истакна дека одлучил изборите за ЕП да се одржат одделно од локалните, кои се закажани за 19 мај, со цел „европските избори да не ја загубат автономијата и препознатливоста“.

– Ќе потсетам на големото значење на изборите за ЕП. Првпат нашите граѓани ќе бираат свои претставници во Европскиот парламент… и овие избори имаат голема симболичка вредност, нагласи Јосиповиќ.

Хрватскиот претседател изборите за европратеници ги распиша согласно своите законски овластувања.

Хрватскиот сабор на 22 февруари одлучи дека изборите за 12 хрватски пратеници во ЕП ќе се спроведат пред членството на Хрватска во ЕУ, со можност изборите да се распишат истиот ден кога се одржуваат и локалните, односно на 19 мај.

Петгодишниот мандат на сегашниот состав на ЕП истекува во јуни 2014 година, кога ќе се одржат европски избори на ниво на целата Унија, вклучувајќи ја и Хрватска.

Би можело да ве интересира

Хрватска: Ослободена е келнерката која запали шанк и повреди седум лица

Горан Наумовски

ВИДЕО: Келнерка палела шанк во ноќен клуб, ги запалила и гостите – инцидент ов Хрватска

Алпинист загина во Националниот парк Пакленица, паднал од височина од околу 150 метри

Пукано во возилото на хрватскиот јавен обвинител Иван Турудиќ

Горан Наумовски

Пленковиќ: Милановиќ продолжува со циркусот, маските паднаа

На роденденска забава во Хрватска: Маж палел скара со запалива течност, па во паника запалил девојче

Горан Наумовски