Претседателот на Штабот за одбрана на хрватскиот Вуковар, Томислав Јосиќ најави дека во недела на загребачкиот плоштад бан Јелачиќ, ќе се одржи протест, наречен „Не кирилица во Хрватска“.
Организаторот не сакаше да открие повеќе детали за протестот, само најави дека ќе биде сличен на оној што се одржа против воведување на двојазичноста и кириличните натписи, пренесе агенцијата Хина.
-Ќе бидеме многу појасни, гласни и строги отколку што бевме во Вуковар, порача Јосиќ и додаде дека барањата кои што ќе бидат упатени од центарот на Загреб ќе се поинакви од оние во Вуковар, но на иста тема.
Елена Георгивска