Хрватска денеска ја надмина бројката од 50 проценти целосно вакцинирана возрасна популација. Оваа информација преку Твитер ја објави хрватскиот министер за здравство Вили Берош.
„Постигнавме 50 проценти вакцинирано возрасно население. Благодарност за сите што се дел од оваа позитивна статистика и на луѓето на терен што ги направија вакцините максимално достапни. Втората фаза од борбата против коронавирусот е пред нас. Изберете наука и искуство“, напиша Берош.
Најголем опфат на вакцинирани со прва доза е постигнат во Градот Загреб (48 проценти од вкупното население, или 58 проценти од возрасната популација), исто како и кога е во прашање целосна вакцинација (44,2 проценти од вкупно граѓани и 53,5 проценти од возрасната популација).