Словенија одлучи да ги отстрани Хрватска, Франција и Чешка од таканаречената „зелена листа“ на држави кои се епидемиолошки безбедни.
Веста ја објави портпаролот на Владата на Словенија, Јелко Кацин, а по ваквата одлука граѓаните на тие три земји ќе мораат да бидат во 14 дневна самоизолација доколку влезат во земјата. Причината за ваквиот чекор е зголемувањето на случаите на Ковид-19 во овие три држави.
– Мораме да биде подготвени на многу потешко сценарио поради ширењето на коронавирусот и затоа владата процени дека е потребно заострување на мерките. Вирусот е присутен и затоа се соочуваме со големи проблеми, изјави Кацин.
Ваквата одлука на словенечката Влада најмногу ќе влијае врз граѓаните на Хрватска кои секојдневно патуваат во соседна Словенија.