Жител на хрватското место Имотски со својот мобилен телефон снимил сексуален однос со неговата сопруга, без нејзино знаење, а потоа снимката под лажен профил ја објавил на една порнографска страница на интернет, јавија хрватските медиуми.
Со ова, 43-годишниот човек, против кого е подигнато обвинение, ја повредил приватноста на својата сопруга и извршил кривично дело „неовластено сликовно снимање“, според хрватскиот Кривичен законик.
Општинскиот суд во Сплит го прифатил барањето на надлежното Обвинителство на обвинетиот да му се издаде казнен налог и да се донесе пресуда без судење. Тој добил условна казна од пет месеци затвор, доколку во следните две години го повтори делото.
Доколку обвинетиот вложи приговор на пресудата, ќе биде организирано судење, пишуваат хрватските медиуми.