Немирите на плоштадот Таксим во Истанбул и протестните акции во паркот Гези нанеле големи загуби на туризмот, што според извештајот на Сојузот на хотелиери, менаџери и инвеститори во туризмот изнесуваат 54 милиони евра.
За две недели, додека траат протестите на Таксим, се откажани над 140.000 резервации, а во хотелите биле пополнети само 30 проценти од капацитетите.
Вкупниот број откажани ноќевања во Истанбул надминал 215 илјади, што претставува директна загуба од 54,7 милиони евра за 298-те хотели во градот.
Според пресметките секој странски турист во Истанбул остава минимум неколкустотини евра, без да се сметаат ноќевањата.
Хотелиерите не очекуваат враќање на планираниот профит и по нормализирање на ситуацијата и прекин на протестите. Бројот на резервации е значително намален и за јули и август.