Харадинај пред заминувањето за Хаг: Останувам непоколеблив за моите одлуки

Од:

Косовскиот премиер во заминување Рамуш Харадинај, пред да отпатува за Хаг, каде утре треба да даде интервју пред Специјалниот суд за воени злосторства, порача дека останува „непоколеблив и со кренато чело“ за неговите животни одлуки, јави дописникот на МИА од Приштина.

Харадинај преку објава на Фејсбук повтори дека „Косово е подготвено за дијалог со Србија до постигнување финален и законски обврзувачки договор, кој ќе го вклучи меѓусебното признавање во рамки на постоечките граници“.

– Борците на слободата секогаш биле на страна на правдата. Денеска, како Рамуш Харадинај, граѓанин на Република Косово, одговарам на повикот за интервју од Специјалниот суд во Хаг. Целосно во правото на Косово, непоколеблив и со кренато чело за моите животни одлуки. Косово забележа напредок во својот евроатлантски пат и е посилно од кога и да е, на страната на мирот и вечното пријателство со Соединетите Аерикански Држави, напиша Харадинај.

Тој порача дека таксата од 100 отсто на увозот од Србија и Босна и Херцеговина ќе се укине кога тие држави ќе ја признаат независноста на косовската држава.

– Косово е подготвено за дијалог со Србија до постигнување финален и законски обврзувачки договор, кој ќе го вклучи меѓусебното признавање во рамки на постоечките граници. Меѓутоа, нашиот пазар ќе го дадеме единствено во замена за признавање. Чесно сум го бранел нашето право, вчера, денес и ќе го бранам секогаш, напиша Харадинај.

Тој требаше да замине денеска за Хаг од приштинскиот аеродром во 12:30 часот, но, како што соопшти владината служба за информирање, летот е одложен за три часа поради доцнење на авионот со кој треба да патува.

Харадинај во петокот поднесе оставка од премиерската функција поради повикот од Специјалниот суд за воени злосторства во Косово, порачувајќи дека сака да се појави пред трибуналот како граѓанин, а не како премиер на Република Косово.

Би можело да ве интересира

Косовско–српски судир околу вистината за масакрот во селото Рачак во 1999 година

ВИДЕО: Се појави снимка од инцидентот со жената која сакаше да помине со српско знаме по мостот на Косовска Митровица

Татјана Ташкова

Османи: Влада на ЛДК и ВВ е историски момент што го побараа косовските граѓани на избори

Коснет-САД сакаат траен договор за Косово и нема да се противат на мали измени во разграничувањето

Ана Ололовска

Поранешен косовски министер осуден на две години затвор за ширење национална омраза

Ана Ололовска

Рама побара од министрите да ги вратат луѓето кои по земјотресот се засолниле во Косово

Ана Ололовска