Харадинај: Курти е одговорен за евентуалното загрозување на партнерството со САД

Од:

Поранешниот косовски премиер, лидерот на Алијансата за иднината на Косово (ААК), Рамуш Харадинај ја осуди вчерашната изјава на портпаролот на Владата на Албин Курти, Прпарим Криезиу дека договорот кој лани во Вашингтон го потпишаа челниците на Косово и Србија „нема правна моќ“.

Харадинај порача дека доколку Курти не ја демантира таа изјава, тогаш „тој ја презема сета одговорност за загрозувањето на стратешкото партнерство“ со САД.

– Владата на Курти изјавила дека единствениот договор меѓу Косово и Србија, кој е потпишан во Белата Куќа, да ти бил правно безвреден. Доколку премиерот не ја демантира оваа изјава на неговиот портпарол, тогаш тој ја презема сета одговорност за загрозувањето на стратешкото партнерство со Америка, кое е од животно значење за Косово, напиша Харадинај на неговата страница на Фејсбук.

Според лидерот на опозициската ААК, „такво нешто не може да направи никој, ниедна влада и ниеден премиер“.

Претходниот косовски премиер, Авдулах Хоти и српскиот претседател Александар Вучиќ минатиот септември во Вашингтон, со посредство и во присуство на тогашниот американски претседател Доналд Трамп, потпишаа договор за подобрување на економската соработка, кој, меѓу другото, резултира и со признавање на независноста на Косово од страна на Израел.

Администрацијата на новиот американски претседател, Џо Бајден го поддржа Вашингтонскиот договор и порача дека тој „треба да биде патот на соработката и напредокот“ во односите меѓу Приштина и Белград.

Би можело да ве интересира

Заев-Курти: Секое унапредување на односите меѓу соседите, носи стабилност и просперитет за целиот регион

Пропаднаа разговорите Белград-Приштина, Вучиќ и Курти си ја префрлаат вината

Жарко Настоски

Харадинај: Дијалог со Србија само со посредство на САД, нема мини шенген без заемно признавање

Вучиќ уште мисли како да го врати Косово, се пожали Курти во францускиот печат

Жарко Настоски

Опозицијата го нападна Курти – за Харадинај настапот во Брисел е смешен, ДПК смета дека се игра по нотите на Вучиќ

Жарко Настоски

Курти: На Вучиќ му дадовме четири предлози – три од нив ги одби, за еден не одговори

Жарко Настоски