Харадинај и Ахмети потпишаа договор за предизборна коалиција

Од:

Лидерот на Алијансата за иднината на Косово (ААК), премиерот во оставка Рамуш Харадинај и претседателот на Социјалдемократската партија на Косово (ПСД), градоначалникот на Приштина, Шпенд Ахмети потпишаа Договор за заеднички настап на нивните партии на предвремените избори што есенва треба да се одржат во Косово.

По потпишувањето на Договорот, Харадинај изјави дека неговата и партијата на Ахмети „успеаја да ги обединат најдобрите експертизи за една развојна програма за земјата“.

– Денеска сме поподготвени да ги преземе одговорностите по изборите. Имаме две пораки денеска: политичка зрелост и надеж за земјата, изјави Харадинај, порачувајќи дека коалицијата останува отворена за евентуални нови партнери за заеднички настап на изборите.

Од трите партнери во досегашната владејачка коалиција, како добредојдени за соработка за наредните избори Харадинај ги спомна Социјалдемократската иницијатива (Нисма) и Алијансата ново Косово (АКР) на потпретседателите на Владата во оставка Фатмир Лимај и Беџет Пацоли, додека ја изостави Демократската партија на Косово (ПДК) на собранискиот спикер Кадри Весели.

Лидерот на ПСД, Ахмети, потврди дека е постигнат договор за заеднички настап со ААК и информира дека носител на коалициската изборна листа и кандидат за иден премиер ќе биде Харадинај.

– Во оваа битка ние денеска ги обединивме силите за победа на избори со заедничка програма за водење на Владата. Се согласивме да се натпреваруваме со една изборна листа, чиј носител и кандидат за премиер ќе биде Рамуш Харадинај. Деталите за заедничката листа ќе се објават подоцна, меѓутоа местата во неа за нас се од второстепено значење, изјави Ахмети, кој исто така ги повика Нисма и АКР да се приклучат на коалицијата.

Би можело да ве интересира

Германија испраќа дополнителни војници во Косово

Горан Наумовски

Уапсен Србин на Косово: Обвинет е за воени злосторства

Горан Наумовски

23-годишна Украинка пронајдена мртва на автопатот „Арбен Џафери“ во Косово

Катерина Ѓуровски

Вучиќ за Косово: На сите во лице им кажав што нема да исполниме од Охридскиот договор

Горан Наумовски

Косово одбележува 16 години од независноста

А1он

Во Брезовица загина поранешната скијачка Кетрин Ригби

Горан Наумовски