Харадинај: Да не очекува некој градење на мир и стабилност на Балканот на штета на Косово

Од:

Косовскиот премиер Рамуш Харадинај изјави дека граѓаните на Косово не се двоумат во своето чекорење кон мирот, но порача да не очекува некој мирот и стабилноста на Балканот да се градат на сметка на косовската слобода, јави дописникот на МИА од Приштина.

Харадинај на свеченоста во Пеќ, каде што беа откриени споменикот на националниот херој Шкелзен Харадинај и обелискот на 183 паднати борци на Ослободителната војска на Косово (ОВК) од пеќката општина, рече дека Косово е заинтересирано за постигнување договор со Србија, но оти за својот статус нема да разговара, затоа што „тоа прашање е затворено во 2008 година“.

– Ние сме заинтересирани да живееме во добрососедски односи со Србија, но нема да разговараме за статусот, затоа што тоа прашање е затворено во 2008 година. Ние треба да го решиме со нив прашањето на меѓусебно признавање. Нека не бара веќе никој мир и стабилност на Балканот на грбот на слободата на Косово, изјави Харадинај.

Тој порача дека на Косово не му е потребна „слобода во изолација“.

– Не сакаме слобода која го изолира Косово. Ние се боревме за слободата да ја уживаме сите. Нека знаат сите дека не ни треба слобода во изолација, изјави Харадинај.

Би можело да ве интересира

Победниците на косовските избори го усогласија договорот за заедничка Влада

Курти: Не е потребна трета светска војна за обединување на Албанија и Косово

Ана Ололовска

Организацијата на ветерани на ОВК очекува апсење на нејзини припадници осомничени за воени злосторства

РИДЕА: Србија му должи на Косово над две милијарди евра за пензии

Ана Ололовска

Вучиќ: Бараат да го признаеме Косово за членство во ЕУ, а не нудат ништо

Ана Ололовска

Ребиќ: Упадот на РОСУ во Митровица е заплашување на Србите по поразот во Интерпол

Ана Ололовска