Хан и Могерини бараат дијалог меѓу власта и опозицијата во Албанија

Од:

Високата претставничка на ЕУ за надворешна политика и безбедност Федерика Могерини и еврокомесарот за проширување и добрососедска политика Јоханес Хан во заедничка изјава околу последните случувања во Албанија побараа дијалог меѓу Владата и опозицијата.

Истовремено, тие истакнаа дека протестот е демократско право, но осудваат секаков акт на насилство и секоја изјава на политичките лидери која поттикнува насилство.

– Имајќи предвид дека денеска во Албанја опозицијата одржува протест, ние го потврдуваме правото на граѓаните да се вклучат во мирни протести како суштинска карактеристика и суштинска вредност на демократијата, но ние силно ја осудуваме секоја реторика од страна на политичките лидери кои повикуваат на насилство, се наведува во заедничката изјава.

Тие, исто така, се осврнаа на одлуката на опозицијата нејзините пратеници да се откажат од мандатите, оценувајќи дека тоа сериозно го попречува функционирањето на демократијата во Албанија.

– Парламентот е место каде треба да се дискутира за реформите, а не да се бојкотира. Овие одлуки и акти се контрапродуктивни, одат против демократските избори на албанските граѓани и го поткопуваат напредокот што земјата го направи на патот кон Европската унија, оценуваат Могерини и Хан.

Европската унија, се посочува, очекува сите страни во албанскиот Парламент да ги бранат идеалите и принципите на демократијата, да продолжат да служат во Собранието и да ги преземат сите потребни мерки за да ги избегнат насилните акти и да поттикнуваат изјави за насилство.

– Очекуваме Владата и опозицијата да се ангажираат во конструктивни дискусии со цел да се надмине сегашната политичка ситуација во полза на Албанија и нејзините граѓани, се нагласува во заедничката изјава на Могерини и Хан.

Во меѓувреме под силно полициско обезбедување пред Парламентот во Тирана протестот минува без инциденти. Пред насобраните илјадници граѓани кусо обраќања имаат пратениците посочувајќи дека мандатите им припаѓаат на граѓаните и во нивно име се откажуваат од нив, за да ги „ослободат од криминалната Владата на Рама“.

Би можело да ве интересира

Граѓаните во Албанија ќе добијат „ковид пасош“ откако ќе ја примат првата доза од вакцината

Жарко Настоски

ВИДЕО: Хаос во Елбасан, навивачи беснееја низ градот откако не ги пуштија на стадион поради мерките

Жарко Настоски

Албанија протера руски дипломат поради кршење на мерките за заштита од коронавирусот

Жарко Настоски

Српските и албанските државјани од денес можат да патуваат во двете земји со лични карти

Жарко Настоски

Топ Чанел : Хаг ја проширува истрагата во Албанија против поранешен командант на ОВК

Жарко Настоски

Евростат: Албанија шеста во светот според издадени дозволи за престој на нејзини граѓани во ЕУ, прва во однос на населението

Ана Ололовска