Хакерите предупредија дека ќе објават податоци, кои ќе ѝ предизвикаат проблеми на албанската Влада

Од:

Откако хакерите од иранската група „Татковинска правда“ презедоа одговорноста и за кибернападот од петокот врз системот ТИМС на албанските гранични премини, денеска за „Топ чанел“ најавиле објавување податоци од нападнатите системи.

– Стапивме во контакт со оваа група хакери, кои предупредија дека секоја недела ќе продолжат со објавување на податоците добиени од албанските системи. Не само тоа, туку податоците добиени од е-Албанија ги ставија на продажба, каде што гигабајт информации се продава за 0,05 биткоини, јави телевизијата.

Хакерите исто така навеле дека податоците добиени од ТИМС системот ги продале и на „некои луѓе во Албанија и оти за тоа знае Владата“.

– Тие предупредуваат дека многу брзо ќе објават податоци кои ќе ѝ направат проблеми на албанската Влада, додава „Топ чанел“.

По првите кибернапади на 15 јули врз владините и други државни системи медиумите објавија дека хакерите побарале од Владата 70 милиони долари за да не објавуваат од податоците, но премиерот Еди Рама демантираше.

Извор: МИА

Би можело да ве интересира

Само Албанија е понесреќна земја од Македонија во регионот: ООН го објави извештајот за среќа

Орце Костов

Зетот на Трамп објави фотографии од луксузни архитектонски проекти за Србија и Албанија

Земјотрес во Албанија

Со еден клик до работни места во Србија и Албанија: Нова можност за македонските граѓани

Орце Костов

Голем хакерски напад во Романија, над 100 здравствени установи останаа без интернет

Кинеските хакери имале пристап до одредена американска инфраструктура најмалку пет години