Илјадници луѓе протестираа денеска во центарот на Атина поради најсмртоносната железничка несреќа во земјата, во која, на 28 февруари, загинаа 57 лица, додека најголемите грчки синдикати се подготвуваат за неизбежен национален штрајк.
Директниот судир меѓу патнички и товарен воз пред речиси две недели предизвика гнев во јавноста и предизвика секојдневни протести против конзервативната влада и политичкиот естаблишмент, кој постојано ги игнорираше повиците на железничките синдикати за подобрување на безбедносните системи.
Повеќе од 10.000 поддржувачи на комунистичката група ПАМЕ, работници од јавниот сектор, пензионери и студенти се собраа денеска пред парламентот во центарот на Атина. Некои од нив скандираа „Убијци“ и „Нема да заборавиме“.
Повеќето од 350-те патници во патничкиот воз биле студенти кои патувале од Атина до Солун по долгиот празничен викенд.
Најголемите грчки синдикати ГСЕЕ и АДЕДИ, кои заедно претставуваат повеќе од два милиони работници, на 16 март ќе организираат голем штрајк низ целата земја во знак на протест поради железничката несреќа.