Грција задоволна од препораките на Европската комисија за туризмот

Од:

Грчката Влада ја поздравува рамката на упатствата и препораките за туризмот и транспортот што денеска ја презентираше Европската комисија, вели портпаролот на грчката Влада, Стелиос Пецас, и истакнува дека Грција беше таа која „прва го постави прашањето за туризмот во европскиот јавен дијалог”, јави дописничата на МИА од Атина.

Пецас додава дека денешната рамка е постигната во соработка со други земји и со ЕК, но и ја почитува слободата за движење на луѓето, што е една од четирите основни слободи на ЕУ.

-Грција, благодарение на нејзиното брзо и ефективно справување со пандемијата на коронавирусот, е меѓу земјите со најниско ширење на вирусот на 100.000 жители и ова е уште еден фактор за привлекување туристи во нашата земја, вели Пецас.

Објаснува дека во следните денови ќе биде претставен комплетниот план на Владата за рестартирање на туризмот, „со главен критериум заштита на јавното здравје и поддршка на работните места”.

-Но, да немаме илузии, летото оваа година нема да биде како ланското, додава портпаролот на грчката Влада во писмената изјава.

Би можело да ве интересира

Досега од коронавирус се заразени 31.074.026 лица, починале 962.709 пациенти

Ана Ололовска

Ципрас: „Оруч Рејс“ ги крши нашите суверени права

Ана Ололовска

СЗО одобри испитување на африканските растителни лекови за Ковид-19

Ана Ололовска

Протести во Мадрид поради новите рестриктивни мерки

Ана Ололовска

За Британците кои ќе ги прекршат новите правила на самоизолација предвидени се казни и до 10.000 фунти

Ана Ололовска

ВИДЕО: Невремето „Јанос“ во Грција одзеде три животи и предизвика катастрофални штети

Ана Ололовска