Грција: Со Турција не преговараме, туку разговараме

Од:

Повторното започнување на прелиминарните контакти меѓу Грција и Турција се разговори, а не преговори, истакна министерот за надворешни работи на Грција Никос Дендијас, говорејќи на онлајн конференција за Источниот Медитеран организиран од Институтот за демократија Константинос Караманлис.

– Разговори значи дека се обидуваме да најдеме правила врз основа на кои ќе се одржат преговори. А зошто е тоа тешко? Бидејќи Турција не го прифаќа меѓународното право како стандардно правило, објасни Дендијас.

Контактите меѓу Грција и Турција ќе започнат набргу во Истанбул, по пауза од четири години, а портпаролот на грчката Влада Стелиос Пецас, говорејќи за државната телевизија ЕРТ рече дека во следните денови ќе се знае точниот датум на одржувањето.

– Она што се чини, а е важно, е дека штом ќе започнат прелиминарните контакти, ќе одиме на намалување на провокативното однесување што го видовме во изминатиот период. Ова е затоа што би било незамисливо да се разговараме за одредување на нашите поморски зони и истовремено, на пример, да гледаме бродови во регионот, рече Пецас.

Во однос на можноста за телефонска комуникација меѓу грчкиот премиер Кирјакос Мицотакис и турскиот претседател Реџеп Таип Ердоган, Пецас се повика на изјавата на Мицотакис од минатата седмица дека е потребно да се исполнат два услови: доверба и добра подготовка.

– Ако постои ова, тогаш сè е можно, истакна портпаролот на грчката Влада.

Би можело да ве интересира

Рама и Дендијас се договориле прашањето на поморската граница меѓу Грција и Албанија да го решаваат меѓународните инстанци

Жарко Настоски

Грција бара ембарго на извоз на оружје во Турција

Жарко Настоски

Грција ќе го продолжи воениот рок од девет на 12 месеци

Ана Ололовска

Ердоган: Русија, САД и Франција ја снабдуваат Ерменија со оружје

Ландов

Мицотакис: Оградата на границата со Турција ќе биде готова до април

Ана Ололовска

Насилството врз животните во Грција станува кривично дело

А1он