Грција предлага формирање европски фонд за справување со високите цени на природниот гас

Од:

Формирање европски фонд во висина од 80 милијарди евра за справување со последиците од високите цени на природниот гас, предлага Грција, преку писмото до извршниот потпретседател на ЕК надлежен за европскиот зелен договор Франс Тимерманс и до комесарот за енергетика Кадри Симсон, испратено од министерот за животна средина и енергија Костас Скрекас, јави дописничката на МИА од Атина.

dobivaj vesti na viber

Во пресрет на вонредниот состанок в петок на министрите за енергетика на Унијата, Скрекас во писмото предлага воведување специјална такса од десет евра по термален мегават час за европските компании за производство на електрична енергија за количините природен гас што се користат исклучиво за производство електрична енергија, а овие средства би се насочиле во конкретниот европски фонд.

Грчкиот министер истакнал дека оваа такса, доколку се примени, според проценките, годишно би донела девет милијарди евра за ЕУ, врз основа на потрошувачката од 2021 година.

Овој износ, според Скрекас би можел да се комбинира со ниско каматен заем од 80 милијарди евра од Европската инвестициска банка.

Средствата од фондот би се користеле за поддршка на ранливите категории и на малите и средните бизниси во услови на зголемени цени на природниот гас; за ​​финансирање инвестиции во алтернативни горива, како зелен водород и биометан; за покривање на вонредните потреби на енергетските компании, поради нивните напори за замена на рускиот природен гас; за ​​проширување и модифицирање на инфраструктурата неопходна за замена на рускиот природен гас, како и за замена на природниот гас со друго гориво и за зголемување на енергетската ефикасност.

Би можело да ве интересира

Грчкиот весник „Документо“ објави нова листа со прислушувани со софтверот „Предатор“

Ана Ололовска

Уапсени седум криумчари меѓу спасените 483 мигранти кај Крит

Ана Ололовска

Грција и Бугарија разговараат за активирање на стариот проект за изградба на нафтоводот Бургас-Александруполи

А1он

Грција и Египет потпишаа договор за соработка во воздухопловната и поморската потрага и спасување

А1он

За една седмица зголемен бројот на починати од Ковид-19 во Грција

Околу 64 отсто од Грците не веруваат дека премиерот и владата не се поврзани со прислушувањата

А1он