Грција очекува туристичката сезона оваа година да биде подобра од 2019 година

Од:

Со над 3,4 пристигнувања во месец јуни на атинскиот и 14 регионални аеродроми со кои управува компанијата Фрапорт, Грција очекува оваа туристичка сезона да биде подобра од онаа во 2019 година, односно последното лето пред пандемијата, според изјавите како на грчкиот премиер Кирјакос Мицотакис, така и на министерот за туризам Василис Кикиљас, јави дописничката на МИА од Атина.

Во интервју за телевизијата ЕРТ Кикиљас рече дека во месец јуни, на аеродромот во Атина и на 14 регионални аеродроми на Фрапорт имало 3.481.000 пристигнувања од странство, наспроти 1.198.000 пристигнувања лани и 3.477.900 во 2019 година.

Грчкиот премиер Кирјакос Мицотакис за време на неговата посета на Кефалонија, повикувајќи се на овие податоци рече дека земјата се движи кон туристичка сезона која ќе биде уште подобра од онаа во 2019 година.

-Ме информираа дека денес веќе го надминавме бројот на пристигнувања на аеродромите на Фрапорт што го имавме во 2019 година, па одиме кон туристичка сезона која ќе биде уште подобра од онаа што ја имавме во 2019 година, рече Мицотакис.

Компанијата Фрапорт Грција управува со 14 регионални аеродроми во Солун, Кавала, Актио, како и на островите Крф, Закинтос, Лезбос, Кефалонија, Кос, Родос, Миконос, Самос, Скиатос, Санторини и Крит.

Извор: МИА

Би можело да ве интересира

По силниот земјотрес во Грција, тлото продолжува да се тресе

Два силни земјотреси ја погодија Грција

Горан Наумовски

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

Се урна грчки борбен авион, пилотот е спасен

Свештеникот од Солун е осомничен дека ги оштетил верниците за повеќе од еден милион евра

30.000 луѓе на улиците во Грција на годишнината од страшната железничка несреќа, избувна нереди