Грчките студенти најавуваат нови протести од септември против укинувањето на студентскиот имунитет

Од:

– Продолжуваме динамично од септември да се бориме против одлуките на владата, велат студентите кои вчера се собраа на протест во центарот на Атина, за да го изразат нивното незадоволство од законот за укинување на студентскиот имунитет, собир одржан во исто време додека грчкиот Парламент гласаше и ги изгласа измените.

-Ако Владата наметне присуство на полиција на универзитетите, контрола кој ќе влегува кој нема да влегува и ако се обиде да го спречи студентското движење, ќе добие соодветен одговор, коментира студентот Василис кој објаснува дека веќе постои мобилизација кај универзитетската заедница, студентите, вработените, па дури и дел од професорите кои им изразуваат поддршка на студентските движења кои го организираа протестот.

-Владата презентира една лажна слика за универзитетите, дека наводно таму се прават криминални дела, има трговија со дрога и постојат сомнителни елементи, нешто што во голема мерка е лага, бидејќи на универзитетите не постои криминал, како што има на други места, вели студентка Андониа која додава дека не треба да се заборави дека падот на хунтата во Грција започна по студентскиот бунт.

Вчерашниот протест, за разлика од оној пред 15 дена, кога Владата го најави законот, беше со многу помала масовност, но студентите коментираат дека причината е тоа што е период на летни одмори.

Во грчкиот парламент вчера поминаа измените во законот со кои се укинува студентскиот имунитет. Владејачката Нова демократија и десничарско ориентираната партија Грчко решение беа „за“, Движењето за промена гласаше „присутно“, Комунистичката партија против, а СИРИЗА и МЕРА25 не присуствуваа на гласањето, бидејќи претходно ја напуштија седницата во знак на протест против поднесените амандманите од министерот за труд.

Портпаролот на грчката Влада, Стелиос Пецас во интервју за грчката телевизија „Алфа“ истакна дека со изгласаното „се враќа имунитетот на идеи и слободно изразување“, објасни дека со промените во законот, полицијата ќе може да интервенира доколку некој кој се гони за прекршок извршен надвор од универзитетот и се скрие во просториите на самиот универзитет и додаде дека не станува збор за патроли или строг полициски режим на факултетите.

Би можело да ве интересира

Студентското собрание го презентираше Студентскиот манифест – неопходно е општествените чинители да се запознаат со итноста од преземање на мерки

Имате стипендии на сметките, не дозволувајте манипулации им порача на студентите министерот Шаќири

Студентите си ги бараат неисплатените стипендии, ќе протестираат пред Министерството за образование

Ректоратот бара, МОН ветува дека нема да се зголеми партиципацијата за студентите

Орце Костов

Ќе се зголемува школарината за студентите: Предлогот за поскапување испратен до студентските собранија

Орце Костов

МОН: Поедноставено аплицирањето за финансиска поддршка на ученици и студенти во рамки на новиот пакет антикризни мерки