Грчки пратеници-лекари се нудат да помогнат во борбата со Ковид-19

Од:

По двајцата пратеници, еден од Комунистичката партија и еден од Нова демократија, сега и десет пратеници од СИРИЗА, лекари по професија, изразуваат подготвеност да се вратат во болниците, да го помогнат здравствениот систем и волонтерски да се вклучат во битката со пандемијата.

Секретарката на пратеничката група на СИРИЗА, Олга Геровасили, која и самата е лекар, преку писмо, денеска го информираше министерот за здравство на Грција дека сите пратеници што се лекари „со целосно чувство на одговорност кон грчкиот народ и поради потребата на здравствениот систем, стојат на располагање да го поддржат здравствениот систем“.

Меѓу пратениците од СИРИЗА има кардиолог, микробиолог, дерматолог, гинеколог, хирург – специјалист за интензивна нега, педијатар.

Иницијативата за замена на пратеничкиот костумот со бел мантил ја покрена вчера Јоргос Лабрулис, пратеникот од Комунистичката партија, кој е и еден од шесттемина потпретседатели на грчкиот Парламент и кој преку писмо до првиот спикер, побара привремено да биде ослободен од должностите.

По него следеше еден пратеник од Нова демократија, додека пак во текот на денешниот ден, освен членовите на СИРИЗА, се понудија уште двајца пратеници од владејачката партија и една пратеничка од опозициската Грчко решение.

Би можело да ве интересира

Стар документарец покажа загрижувачка состојба со вирусите во лабораторијата во Вухан

Ана Ололовска

Бајден: САД до лето може да имаат колективен имунитет

Ана Ололовска

Бројот на заразени во светот надмина 100 милиони, пандемијата ни оддалеку не е скротена

Жарко Настоски

Шпанија: Жена прогласена за мртва од ковид-19, по девет дена се вратила дома

Жарко Настоски

Научници веќе подготвуваат понапредна вакцина, вели Фаучи

Жарко Настоски

Турција и Грција ги продолжија техничките преговори запрени пред четири и пол години

Жарко Настоски