Грчката влада што треба да ги спроведе изборите на 17-ти јуни изутринава положи заклетва пред атинскиот Архиепископ Јеронимус. Новата влада која ја предводи премиерот Панајотис Пикраменос ја сочинуваат 16 министри, но во неа не е предвидена функцијата заменик министер.
Новата влада ја сочинуваат поранешни министри, дипломати и универзитетски професори.
По веста за новите избори Брисел веднаш реагираше со предупредување.
„Грчкиот народ на новите избори ќе биде одговорен за судбината на својата земја и мора да биде свесен за последиците од гласањето“, додаде претседателот на Европската комисија, Жозе Мануел Баросо.
Германската канцеларка Ангела Меркел, на Грците им порача дека ќе мора да се жртвуваат и да ги поднесат мерките на штедење ако сакаат да останат во еврозоната.