Грчката Влада формира ново Министерство за миграција и азил

Од:

Со одлука на грчкиот премиер Кирјакос Мицотакис се формира ново Министерство за миграција и азил, а министер ќе биде досегашниот заменик министер за труд, Нотис Митаракис, соопшти денеска портпаролот на владата, Стелиос Пецас, јави дописничката на МИА од Атина.

Алтернативен министер ќе биде Јоргос Кумуцакос кој и досега беше надлежен за миграциска политика, но во рамките на Министерството за цивилна заштита.

-Владата уште од прв момент следеше различна политика во бегалското- мигрантското прашање. Со комплетен план базиран на четири оски: заштита на нашите граници, забрзување на процедурите за азил, зголемени враќања, затворени центри. И сето ова, паралелно, спроведувајќи празнење на островите што го имаат најголемиот товар во приемот на бегалците и мигрантите, но и со нејзината интернационализација на проблемот во сите меѓународни форуми. Она што е потребно е брза имплементација на овој план, рече Пецас објаснувајќи ја одлуката на грчкиот премиер за формирање на посебно министерство.

Во текот на денешниот ден се очекува двајцата министри да положат свечена заклетва во претседателската палата.

Прашањата поврзани со миграцијата, по изборите на 7 јули 2019 година и промената на власта во Грција, од посебното министерство кое постоеше претходно, беа ставени во надлежност на Министерството за цивилна заштита.

Би можело да ве интересира

Пациентите кои немаат Ковид-19, а се на интензивна нега во грчките болници, доколку е потребно ќе се префрлаат во приватни клиники

Ана Ололовска

Анкета: Две третини од Грците загрижени за пандемијата, 74% убедени дека мора да се носи маска

Ана Ололовска

Турција ја обвинува Грција дека депортира мигранти без процедура за азил, а ЕУ се прави дека не гледа

Ана Ололовска

Мицотакис: Маската е вакцина, додека не дојде вакцината

А1он

Грција: За Владата, нов целосен карантин не е опција

А1он

Грција ќе ги апси сите кои го поттикнуваат движењето против заштитните маски

А1он