Грчката крајбрежна служба за 72 часа спречила над илјада бегалци и мигранти да влезат во Грција по морски пат

Од:

Во вкупно 24 случаи околу 1.130 бегалци и мигранти со чамци се обиделе да влезат во грчките територијални води во морските делови кај островите Лезбос, Хиос, Самос, Кос и Родос, во периодот од петокот наутро до утрово, соопштија од грчката крајбрежна служба, јави дописничката на МИА од Атина.

dobivaj vesti na viber

Додаваат дека повеќе од половина, односно 16 од случаите биле во близина на островот Лезбос.

Во сите случаи патролните бордови на крајбрежната служба реагирале и по навременото откривање, ниту еден од чамците не навлегол во грчките територијални води, а патниците биле преземени од турската крајбрежна служба.

-Грчката крајбрежна служба во рамките на националните мерки што се спроведуваат за справување со миграцискиот притисок, ги презема сите соодветни мерки за ефикасно следење и заштита на поморските граници на Грција и на Европската Унија со решителност, почитување на меѓународното право, имајќи ја како примарна грижа заштитата на човечкиот живот на море што е највисока професионална и морална обврска на крајбрежната служба, пишува во соопштението од крајбрежната служба на Грција.

За конкретното прашање, портпаролот на грчката Влада Јанис Иконому на денешниот редовен брифинг со новинарите рече дека „Турција ни за момент не запре да го инструментализира прашањето со бегалците и мигрантите, во суштина непочитувајќи го договорот што го потпиша со ЕУ“.

Извор: МИА

Би можело да ве интересира

Во Грција воз прегази мигранти кои спиеле на шини

МВР вчера откри 53 мигранти во обид да заминат кон Србија

Горан Наумовски

ВИДЕО: Голем шумски пожар на грчкиот остров Тасос

Ана Ололовска

Намалена невработеноста во Грција

А1он

Стајкурас: Грција по 12 години се враќа во европската нормала и повеќе не е исклучок во еврозоната

Промени во начинот на работење на Националната служба за разузнавање на Грција

А1он