Грчката комисија за имунизација не препорачува масовна вакцинација против мајмунски сипаници, туку само во одредени случаи

Од:

Не постојат знаци за масовна вакцинација за заштита од мајмунските сипаници, поради епидемиолошките и клиничките карактеристики на болеста, соопштија од Националната комисија за имунизација при Министерството за здравство на Грција по одржаниот состанок, јави дописничката на МИА од Атина.

Посочуваат дека не постои специјална вакцина за конкретната болест, но „вакцината за сипаници се очекува да обезбеди заштита“ и додаваат дека Европската агенција за лекови ја лиценцираше модифицираната вакцина против сипаници (Imvanex), која може да се дава во две дози, во период од четири седмици за лицата над 18-годишна возраст.

Објаснуваат дека вакцинацијата може да се направи селективно, односно во неколку конкретни случаи, како што се: по близок контакт со случај, како и за медицински персонал и превентивно кај луѓе кои работат во области со зголемен професионален ризик од изложеност на вирусот, како на пример лабораториите.

– Националната комисија за имунизација оценува дека со досегашните податоци, опасноста од мајмунските сипаници за општата популација во нашата земја е многу мала, пишува во соопштението.

Во Грција засега не е регистриран случај на мајмунски сипаници, а за време на викендот, британски турист се водеше како прв сомнителен случај, но по испитувањата се покажа дека има варичела.

Би можело да ве интересира

По силниот земјотрес во Грција, тлото продолжува да се тресе

Два силни земјотреси ја погодија Грција

Горан Наумовски

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

Се урна грчки борбен авион, пилотот е спасен

Свештеникот од Солун е осомничен дека ги оштетил верниците за повеќе од еден милион евра

30.000 луѓе на улиците во Грција на годишнината од страшната железничка несреќа, избувна нереди