Четиридневниот штрајк на работниците за чистење во Хрватска заврши, откако беше постигнат договор со градоначалникот Томислав Томашевиќ , кој потоа заедно со работниците излезе на улиците на главниот град и почна да го чисти сметот. Тој вели дека ќе ги чисти улиците како „работник за поддршка“.
На преговорите беше договорено пет барања на штрајкувачите веднаш да се исполнат, а за другите шест да се разговара во следниот месец, изјави градоначалникот на новинарите по разговорот со работниците.
Градоначалникот, кој на пресот дојде облечен во работен костим, рече и дека во следните неколку часа заедно со работниците ќе учествува во отстранување на сметот, односно „на обука за помошен работник“, за подобро да ја разбере нивната работа.
„Понудив да одам и денес да поминам неколку часа со работниците на терен. Затоа сум така облечен. Следните неколку часа сум на терен.“, рече градоначалникот.
„Работниците ме замолија да дојдам и дојдов, цела смена ќе работев, но морам да се вратам на седницата“, рече градоначалникот. Ајде да го исчистиме градот што поскоро“, додаде тој.