Голоб: Ја сакаме Хрватска во „Шенген“, но има проблеми во функционирањето на зоната

Од:

Словенечкиот премиер Роберт Голоб вчера изјави дека Љубљана сака Хрватска што поскоро да влезе во Шенген-зоната, но смета оти пред тоа треба да се решат некои отворени прашања бидејќи, според него, заедничкиот граничен простор на ЕУ таков каков што е во моментов не функционира.

dobivaj vesti na viber

„Словенија сака Хрватска да влезе во Шенген-зоната што е можно поскоро, но таа во моментов не функционира и поради тоа се уште треба да се надминат многу колебања, изјави Голоб пред новинарите на Самитот на НАТО во Мадрид.

Тој притоа посочи на засилените контроли кај некои актуелни членки на Шенген што траат веќе неколку години, на што Словенија се противи, особено кога станува збор за постапките на соседната Австрија.

„И Словенија го чувствува проблемот со нефункционирањето на Шенген-зоната на границата со Австрија која спроведува зголемена гранична контрола кон Словенија“, рече словенечкиот премиер, оценувајќи дека динамиката на проширувањето на зоната ќе се разјасни откако ќе се најдат решенија за отворените прашања за иднината и општо за функционирањето на „Шенген“.

Советот на Европската унија во средата покрена постапка за донесување одлука за прием на Хрватска во Шенген-зоната, барајќи го од Европскиот парламент позитивното мислење, што е неопходен предуслов за конечната одлука, соопштија дипломатски извори. Советот предложи граничните контроли на копнените и поморските граници на Хрватска со земјите од „Шенген“ да се укинат од 1 јануари 2023 година, а на аеродромите од 26 март следната година.

Извор: МИА

Би можело да ве интересира

Хрватска меѓу земјите на ЕУ со најголем пад во продажбата на мало

Ана Ололовска

Јохансон: Бугарија, Романија и Хрватска целосно ги исполнуваат сите барања за влез во Шенген

А1он

Дојави за бомби во повеќе хрватски институции: „Зградите ќе бидат урнати, не го игнорирајте ова“

А1он

Хрватските пратеници за крвавиот пакет: Ова е тероризам, имаме порака за оние кои го направија тоа

А1он

Шефот не смее да звони на телефон на работникот, ниту да испраќа СМС порака и меил по работно време во Хрватска

А1он

Земјотрес во близина на Риека

Ана Ололовска