Гојковиќ: Со опозоцијата се договоривме изборите да не бидат во март

Од:

Претставниците на српската власт и опозиција на денешниот дијалог со посредство на ЕП одлучија парламентарните избори да не се одржат во март, изјави претседателката на Парламентот, Маја Гојковиќ.

Гојковиќ на прес-конференцијата после денешните меѓупартиски разговори за подобрување на изборните услови, соопшти дека е договорено претседателот на Србија да донесе одлука за датумот во рамките на границите што му се дадени со Уставот за крајниот датум за одржување избори.

– Моја проценка е дека по низата дискусии во овие три рунди, успеавме за кратко време да усвоиме или сме во фаза на усвојување на заклучоци за кои се согласивме, истакна Гојковиќ.

Таа додаде дека се пристигнати предлози за Надзорниот одбор на српскиот Парламент, кои ќе бидат разгледани на следната седница, додавајќи дека изборниот список е транспарентен и дека се донесени измени на законите поврзани со функционерската кампања.

Гојковиќ, исто така, рече дека е договорено да се изберат нови членови на РЕМ.

Според Законот, претседателот на државата ги распишува изборите 90 дена од денот на конституирање на сегашниот Парламент, што беше на 3 јуни 2016 година, врз основа на што изборите треба да бидат распишани на почетокот на март.

Оттогаш до денот на гласањето не може да поминат помалку од 45 и повеќе од 60 денови, така што изборите може да се одржат најдоцна до 3 мај.

Во дијалогот меѓу власта и опозицијата, со посредство на претставниците на ЕП, договорено е да се одржат редовни парламентарни избори што е можно подоцна во рамките на уставните рокови, со цел да се обезбеди доволно време за исполнување на сите договорени обврски, како дел од заклучоците на денешната последна рунда од дијалогот.

Во заклучоците, посредниците во дијалогот исто така повикаа на најшироко можно учество на изборите со цел граѓаните да имаат потребен плуралистички демократски избор.

Би можело да ве интересира

Во Србија формирана Обединета опозиција

А1он

Во Белград со денови огромни редици за тестирање за Ковид-19

А1он

Изетбеговиќ: Ако Србија го признае Косово, би се отвориле апетитите за Босна и Херцеговина

А1он

Јеремиќ: „Сојузот за Србија“ веќе не постои, опозицијата ќе остане здружена во полабав формат

А1он

Премиерот на Косово најави извештај по информациите за присуство на српската Жандармерија на Косово

Ландов

Болтон смета дека Белград и Приштина можеби се далеку од решавање на нивниот спор

Ландов