Германија: Стабилноста и развојот на Западен Балкан се од витално значење за Европа

Од:

Стабилноста и развојот на Западен Балкан се од витално значење за Европа, а трајната стабилност бара сеопфатен и одржлив договор меѓу Белград и Приштина, соопшти германското Министерство за надворешни работи по состанокот меѓу министерот за надворешни работи Хајко Мас и специјалниот претставник на ЕУ од Мирослав Лајчак.

Западен Балкан е високо на агендата на германското претседателство со Советот на ЕУ, соопшти министерството синоќа на Твитер.

– Ние сакаме брз, видлив напредок за луѓето во регионот. Иднината на Западен Балкан е во Европа. Затоа ЕУ мора да има водечка улога, велат од Министерството.

Се додава дека трајната стабилност во регионот бара сеопфатен и одржлив договор меѓу Косово и Србија.

– Тоа е клучен предуслов за реализација на европската перспектива на двете земји.

Специјалниот претставник на ЕУ, Мирослав Лајчак, вчера во Берлин се сретна со германскиот претседател Франк-Валтер Штајнмаер, германскиот министер за надворешни работи Хајко Мас и советникот за надворешни работи на Ангела Меркел, Јан Хекер.

– Разговаравме за дијалогот меѓу Белград и Приштина, со кој посредува ЕУ и за важноста на првата средба на високо политичко ниво, што се организира на 12 јули после самитот во Париз, напиша Лајчак на Твитер.

Германската канцеларка Ангела Меркел и францускиот претседател Емануел Макрон во петок на 10 јули организираат видео самит посветен на Западен Балкан и дијалогот меѓу Белград и Приштина.

Би можело да ве интересира

Терористите на ИСИЛ влегуваат во Европа преправајќи се дека се Украинци

Според Индексот на човечки развој Југоисточниот регион на земјава најнеразвиен во цела Европа

Лидерите на Европската Унија усвоија 18 заклучоци, од кои еден се однесува на роамингот на Балканот

EУ стравува од терористички напади, најголемата закана се напаѓачите „волци“

Голема балканска акција за лов на педофили: 39 осомничени, вклучена и Македонија

Анита Петровска Рајковиќ

ММФ ја предупреди Европа: Не се радувајте предвреме