Ректорот на Софискиот универзитет, Анастас Герџиков, прифати да биде претседателски кандидат, откако претходно денеска повеќе електронски медиуми во Софија ја објавија веста дека иницијативен комитет ќе го предложи за и дека тој ќе биде поддржан од ГЕРБ.
Како што јави дописникот на МИА од Софија, професорот ја потврди информацијата дека влегува во претседателската трка.
Герџиков објави дека прифатил да биде предложен за претседателски кандидат од иницијативен комитет, бидејќи верува дека во овој тежок момент на поделби и спротивставувања ги има потребните квалитети за да го отелотвори единството на нацијата.
Тој, исто така, изјави дека не е политичар и дека не размислува ниту зборувам како политичарите, но „верувам дека секој е должен во одреден момент да и се оддолжи на Бугарија за се што добил од својата татковина и сонародниците“.