НАТО останува стабилен столб на меѓународниот систем за безбедност, изјави грчкиот премиер Андонис Самарас по денешната средба во Атина со генералниот секретар на Алијансата, Андерс Фог Расмусен.
Самарас и Расмусен разговарале за иднината на Северноатлантската алијанса и тековните регионални и меѓународни настани и процеси.
– Грција е една од најстарите членки на НАТО и ќе продолжи и покрај финансискиот притисок врз земјата, активно да учествува во Алијансата, истакна Самарас.
Расмусен претходно имаше средба со грчкиот министер за одбрана Димитрис Аврамопулос и со шефот на грчката дипломатија Евангелос Венизелос.