Десетици илјади демонстранти денес протестираа во Бугарија, поради сиромаштија и корупција и побараа законски амандмани кои ќе овозможат обичните граѓани да учествуваат во политиката.
Протестите во Софија и другите градови, кои се организирани преку социјалните мрежи продолжија и на денешниот државен празник, но без инциденти.
Демонстрациите ги предизвика незадоволство кај јавноста поради високите сметки за комунални услуги и распространетата сиромаштија, но потоа преминаа во протести против политиката на владата.
Пред две недели, околу 20 лица беа повредени во судирите на полицијата и демонстрантите, а премиерот на владата, Бојко Борисов поднесе оставка, што го отвори патот за предвремени избори, кои ќе се одржаат на 12-ти мај.
Елена Георгиевска