Финска и Ирска ја поддржуваат визната либерализација и членството на Косово во Советот на Европа

Од:

Министерката за европски прашања на Финска, Тити Тупураинен и нејзиниот ирски колега, Томас Бирн, кои ги предводат соодветните државни делегации кои се во посета на Косово, изјавија денеска дека нивните земји ја поддржуваат визната либерализација и зачленувањето на Косово во Советот на Европа (СЕ), јави дописникот на МИА од Приштина.

dobivaj vesti na viber

На прес-конференција по денешната средба со нивниот домаќин, косовскиот вицепремиер задолжен за евроинтеграции, Бесник Бислими, Тупураинен изјави дека се надева оти оваа есен ЕУ ќе се донесе одлука за укинување на визите за косовските граѓани.

– Косово е единствената земја од Западен Балкан за која сé уште има визи и наш став е дека треба да одиме напред. Јас сум отимистка дека во наредните месеци, можеби веќе наесен, ќе имаме резултати. Исто така го поддржуваме и зачленувањето на Косово во СЕ, како посебен проект, изјави Тупураинен.

Финската министерка му изрази поддршка и на посредникот на ЕУ во косовско-српскиот дијалог, Мирослав Лајчак, а во однос на воведувањето реципроцитет од страна на Приштина за регистерските таблички, рече дека нејзината држава разбира оти „Косово има законско право да ги презема своите дејствија“.

Поддршка за визната либералзиација и зачленувањето на Косово во меѓународни организации изрази и ирскиот државен министер, Бирн, оценувајќи дека косовското барање за членство во СЕ „е добар сигнал за граѓаните дека Владата е сериозна во однос на заштитата на човековите права“.

– Ви посакуваме успех и ќе работиме многу во рамки на меѓународните организации за да изнајдеме пат кој ќе биде прифатлив од другите. Во ЕУ работиме многу со Косово како партнер, за да обезбедиме мир и стабилност, посебно во овој дел од континентот, каде што сé уште постојат конфликти или знаци за конфликти, изјави Бирн.

Косовскиот вицепремиер, Бислими се заблагодари за поддршката од двете земји и изрази надеж дека Финска наскоро ќе биде примена во НАТО, „по што ќе уследи и зачленувањето на Косово“ во Алијансата.

– Високо ја цениме постојната и несебична поддршка на двете пријателски земји за патот на Косово кон визната либерализација, европските интеграции, зачленувањето во СЕ и НАТО, но и во други меѓународни организации. Неоправданата руска агресија врз Украина не постави пред нови заеднички предизвици. Се надевам дека брзото зачленување на Финска во НАТО ќе заврши успешно, по што ќе уследи и зачленувањето на Косово, рече Бислими.

Извор: МИА

Би можело да ве интересира

Вучиќ: Подготвуваат ликвидација на нашиот народ на северот на Косово

А1он

Косовската претседателка бара од ЕУ да ги осуди дестабилизирачките тенденции на Србија на Балканот

Ана Ололовска

Читаку: Не ширете страв и паника – нема да има војна во Косово

Ана Ололовска

Петковиќ: Изјавите на Курти дека ЗСО никогаш нема да се формира поттикнуваат на војна

Ана Ололовска

Косовската полиција ја уапси руската новинарка Дарија Асламова под сомнение за шпионажа

Горан Наумовски

Свечља: Белград ги поддржува српските криминални групи во Косово