Турскиот претставник Фатих Бирол е избран за генерален директор на Меѓународната агенција за енергетика (МАЕ), соопшти турското Министерство за надворешни работи.
Бирол е првиот генерален директор на МАЕ, кој е избран едногласно од сите 29 земји-членки на агенцијата, каде тој работи од 1995 година, се наведува во соопштението.
МАЕ, чие седиште се наоѓа во Париз, е основана во 1974 година и е автономен орган, кој работи во рамки на Организацијата за економска соработка и развој.